Trishnagi mein rehkar samjha,
Ki kitni nam thi zindagi
Satya ke aalingan mein aakaar laga
Ki kya bhram thi zindagi
Aatm Sukh paaya toh laga
Ki kya gham thi zindagi
Har pal marnaa chaha, par ab lagta hai,
Ki kitni kam thi zindagi
Aaj akele hu toh pataa laga
ki kya ehsaas thi zindagi
Dooriyan hui toh laga,
Ki kitni paas thi zindagi
Sannaton ki dhun mein lagta hai
Ki kya saaz thi zindagi
Aaj oopar se apne parivar ko rote dekhta hu,toh lagta hai
Ki kitni khaas thi zindagi
Kitni khaas thi zindagi.....
